Сунъий интеллект тугмаси ва 6000 мАс аккумулятор: Инфиних Ҳот 70 тақдим этилди
Инфиних компанияси ўтган йилги Ҳот 60 моделининг давомчиси бўлган янги Ҳот 70 смартфонини расман намойиш этди. Янги қурилма ўз мобил техникасини нафақат унумдорлик воситаси, балки ўзини намоён қилиш усули деб биладиган фойдаланувчилар учун мўлжалланган. Смартфон 12 хил ранг вариантида таклиф этилади, улар орасида атроф-муҳит ҳароратига қараб рангини ўзгартирувчи Термо Oraнге қопламаси алоҳида ажралиб туради. Бу ҳақда Ixbt.com хабар беради.
Қурилма 6,78 дюймли ИПС-дисплей билан жиҳозланган бўлиб, у 120 Гс янгиланиш частотаси, ҲД+ (720 х 1576 пиксел) аниқлик ва 700 нитгача ёрқинликни қўллаб-қувватлайди. Смартфоннинг ички қисмидан MediaTek Ҳелио Г100 Ултимате процессори, 8 GB гача тезкор хотира ва 256 GB гача доимий хотира жой олган. Шунингдек, у 45 В тезкор ва 10 В тескари қувватлаш имкониятига эга 6000 мАс сиғимли аккумулятор билан таъминланган.
Инфиних Ҳот 70 моделининг ўзига хос жиҳати — корпусда бармоқ етадиган масофада жойлашган махсус Оне-Тап AI Буттон тугмасидир. Ушбу жисмоний тугма ёрдамида сунъий интеллект функцияларига бир зумда кириш мумкин. Қурилма ИП65 стандарти бўйича чанг ва сув сачрашидан ҳимояланган бўлиб, ХОС 16 (Android 16) платформасида ишлайди.
Компания ушбу модел учун Android операцион тизимининг 3 та йирик янгиланишини ва 5 йил давомида хавфсизлик тизими янгиланишларини тақдим этишни вада қилмоқда. Смартфоннинг 4/128 GB хотирага эга бошланғич версияси нархи 124 АҚШ долларидан бошланади. Суратга олиш учун 50 MP асосий ва 8 MP олд камера масъулдир.
