Eron Qo‘shma Shtatlarning yana ikkita MQ-9 Reaper dronini urib tushirdi (video)
Eron harbiylari Qo‘shma Shtatlarga tegishli yana ikkita MQ-9 Reaper turidagi dronni yo‘q qilganini ma’lum qildi. Bu haqda mahalliy manbalarga tayanilgan holda xabar tarqatilmoqda.
Qayd etilishicha, AQSH Eronga qarshi harbiy harakatlar boshlanganidan buyon aynan shu turdagi dronlardan jami 11 tasini yo‘qotgan. Bu esa Vashington uchun sezilarli texnik va moliyaviy talafot ekani ta’kidlanmoqda.
Mutaxassislar ma’lumotiga ko‘ra, MQ-9 Reaper dronlari zamonaviy razvedka va zarba berish imkoniyatlariga ega bo‘lib, ular ko‘pincha kuzatuv ishlari hamda aniq nishonlarga hujum uyushtirishda qo‘llanadi.
Ma’lumotlarga qaraganda, mazkur turdagi har bir dronning qiymati taxminan 30–35 million dollar atrofida baholanadi. Shu bois ularning yo‘qotilishi katta moliyaviy zarar sifatida ham baholanmoqda.
