Eron AQSHning muhim samolyotlaridan biriga zarar yetkazdi

Eronning Saudiyadagi Shahzoda Sulton aviabazasiga raketa hujumi natijasida AQShga tegishli E-3 Sentry samolyotiga ham zarar yetgan. Bu haqida Amerikaning Wall Street Journal nashri amerika va arab rasmiylariga tayanib xabar berdi. Bu samolyot havodan erta ogohlantirish va boshqaruv tizimi bo‘lib, jang maydonini boshqarishda hamda yuzlab kilometr masofadan dronlar, raketalar va samolyotlarni kuzatishda muhim ahamiyatga ega.