Oʻzbekiston - Eron. Mashhur saytlar oʻyin natijasini taxmin qildi...

Ertaga Oʻzbekiston milliy terma jamoasi \"JCh-2026\" saralashining uchinchi bosqichi doirasida Eron futbolchilariga qarshi bahs olib boradi.

Jamoalar rasmiy oʻyinlarda oʻzaro 13 marotaba toʻqnash kelgan. 9 ta bahsda raqiblarimiz qoʻli baland kelgan boʻlsa, hamyurtlarimiz hisobida hozircha bitta gʻalaba bor. 3 ta oʻyinda esa jamoalar kuchi teng kelgan. Toʻplar nisbati 14-5.

Bir necha mashhur saytlar ertangi uchrashuvdagi taxminiy natijalarni e'lon qildi.

Shvetsiyaning \"SportsMole\" nashrining yozishicha Oʻzbekiston va Eron qarama-qarshiligida mehmonlar 2:1 hisobida zafar quchishi mumkin.

\"FootballPredictions.Net\" portali ham raqiblarimiz gʻalaba qozonishiga ishonmoqda. Taxminiy hisob 1-0.

Yana bir sport yangiliklarini yoritib boruvchi \"SportsDunia\" nashri ertangi bahsda forslar 2:0 hisobida zafar quchishini taxmin qilmoqda.