PSJ 150 mln yevroga yulduz hujumchini sotib olmoqchi

PSJ oʻz tarkibini kuchaytirish uchun imkoniyatlarni oʻrganmoqda. Transfer News Live nashrining Fichajes manbasiga tayanib xabar berishicha, Fransiya Liga 1 grand klubi "Galatasaray" hujumchisi Viktor Osimxenni sotib olish uchun 150 million yevro toʻlashga tayyor.

26 yoshli Osimxenga "Barselona" ham qiziqish bildirmoqda, ammo PSJ nigeriyalik futbolchini qoʻlga kiritish borasida kataloniyaliklarni ortda qoldirishi mumkin. UEFA Chempionlar Ligasi joriy mavsumida Viktor Osimxen uchta oʻyinda oltita gol urishga muvaffaq boʻldi.

Ayni paytda "Galatasaray" hujumchisi musobaqaning toʻpurarlari poygasini boshqarib kelmoqda. Osimxenning amaldagi shartnomasi "Galatasaray" bilan 2029 yilning oʻrtalarigacha moʻljallangan.