Olga Zabelinskaya Mustaqillik bayramiga oltin medal tuhfa etdi

^{Foto: Sport vazirligi}
Kecha, 31 avgust kuni Germaniyada ayollar o‘rtasida velopoyga bo‘yicha «Europakriterium der Bahnfahrer» xalqaro musobaqasi bo‘lib o‘tdi. Musobaqada O‘zbekiston ayollar terma jamoasi a’zosi Olga Zabelinskaya birinchi o‘rinni egallab, oltin medalni qo‘lga kiritdi.

Turnirda ikkinchi o‘rin germaniyalik Stosk Gudrunga, uchinchi o‘rin esa rossiyalik Dronova Tamaraga nasib etdi.
Velosportchimizning ushbu yutug‘i O‘zbekiston Respublikasi Mustaqilligining 28 yillik bayramiga munosib sovg‘a bo‘ldi.