Insoniyat ilk marotaba Quyoshni «ushlab ko‘rdi»

^{Foto: «Ridus»}
AQSHning «Parker Solar Probe» fazoviy apparati ilk marotaba Quyosh atmosferasiga kirdi, deya xabar berdi NASA matbuot xizmati.
Fazoviy qurilma Quyosh atmosferasi yuqori qatlamlari oralab uchib o‘tib, zarralar va magnit maydonlari namunalarini to‘plagan.

NASA ta’kidlashicha, ushbu voqea Quyoshni o‘rganishlar tarixida ulkan sakrashdir. Quyosh tashkil topgan moddaga «teginish» bizga eng yaqin yulduz va uning Quyosh tizimiga ta’siri haqida olimlarga muhim ma’lumot beradi, deyiladi fazoviy agentlik xabarida.