Kasbino’ning Sirg‘ali filialida Ramazonning birinchi kunida bepul non tarqatildi

Ramazon oyining birinchi kunida Kasbino tarmog‘ining Sirg‘ali filialida xaridorlarga barcha turdagi nonlar bepul berildi. Bu haqda kompaniyaning Facebook’dagi sahifasida berilgan ma’lumotga asoslanib «Daryo» nashri xabar berdi.

Aksiyaga tarmoqning ismi keltirilmagan mijozi homiylik qildi.

«Bu xayrli tadbir homiysi ismini bizga bildirmagan xaridorimiz, faqat ‘ota-onamga savobi borsin, mening maqsadim shu…’ degan munis bir ayol», — deyiladi xabarnomada.