2 maydan Toshkent—Xiva yo‘nalishida tezyurar poyezd qatnovi boshlanadi

18 mart kuni prezident Shavkat Mirziyoyev jamoatchilik vakillari bilan birga O‘zbekistonga olib kelingan yangi «Hyundai Rotem» tezyurar poyezdida Samarqanddan Narpay tumaniga bordi.

Bu yo‘nalishdagi tezyurar poyezd harakati mamlakatning temir yo‘l infratuzilmasini yanada rivojlantirish va yo‘lovchilar uchun qulaylikni oshirish maqsadida yo‘lga qo‘yilmoqda. Mazkur xizmat orqali Toshkent va Xiva orasidagi sayohat vaqti sezilarli darajada qisqaradi va yo‘lovchilar zamonaviy, xavfsiz va qulay transport imkoniyatiga ega bo‘ladi.