Чемпионлар лигаси доирасидаги учрашувда "Ливерпуль" ўз майдонида ПСВга 1:4 ҳисобида мағлуб бўлди. Дастлаб меҳмонлар пеналтидан ҳисобни очишди, сўнгра мезбонлар тезда жавоб қайтаришди.
Аммо танаффусдан кейин Голландиялик жамоа инглизлар ҳимоясидаги хатолардан фойдаланиб, йирик ғалабага эришди. ПСВ ҳужумчиси Перишич қанотдан фаол ҳаракат қилиб, бурчак зарбасини қўлга киритди.
Кейинги узатма Вирджил ван Дейкнинг қўлига тегиб, пеналти белгиланди. Перишич тўпни ва дарвозабонни турли бурчакларга йўллаб, гол урди.
Шундан сўнг "Ливерпуль" Гакпо ва Экитике орқали ҳужумларни кучайтирди. Нихоят, Муҳаммад Салоҳ вазият яратиб, Собослаи тўпни дарвозага йўллади ва ҳисобни тенглаштирди.
Ҳар икки жамоа бир неча бор ҳужум ва стандарт вазиятларда имконият яратишди. Кейинчалик ПСВ ўйинчиси Тил Жуниорнинг узатмасидан фойдаланган ҳолда дарвозабонни доғда қолдирди.
Мезбонлар Ван Дейк ва Мак Аллистер орқали бурчак зарбалари ва ҳужумлар уюштирди, аммо ПСВ дарвозабони Коварж бир неча бор жамоасини қутқариб қолди. Шу пайтда ПСВ мураббийи Пепи ва Дриауехни майдонга тушириб, қарши ҳужумларни кучайтирди.
Пепи рақиб майдонида тўпни эгаллаб, дарвоза устунига урди. Тўп қайтгач, Дриауех уни дарвозага йўллаб, ҳисобни 1:3 кўринишига олиб келди.
"Ливерпуль" ўйинни сақлаб қолишга уриниб, Къеза ва Салоҳ орқали узоқ масофадан зарба берди. Қўшимча вақтда ПСВ яна бир қарши ҳужум уюштирди.
Дест қанотдан ҳаракат қилиб, узатма берди ва Дриауех ҳисобни 1:4 кўринишида якунлади. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
