Чемпионлар Лигаси умумий босқичининг олтинчи турида Лондоннинг “Арсенал” жамоаси сафарда Бельгия вакили “Брюгге”ни 3:0 ҳисобида мағлубиятга учратди. Учрашув давомида “канонирлар” ўйиннинг асосий қисмини назорат қилди ва танаффусдан кейин устунлигини голга айлантирди.
Ўйин бошиданоқ “Арсенал” тўп ва майдонни ўз назоратига олди. Жамоа қанотлардан фаол ҳаракат қилиб, бельгияликларнинг жарима майдонини узатмалар билан босим остида ушлаб турди.
Шу билан бирга, мезбонлар камдан-кам, аммо хавфли қарши ҳужумлар билан жавоб қайтаришга ҳаракат қилишди. Биринчи бўлимнинг ўрталарига келиб инглизлар бир неча имконият яратди.
Инкапий бурчак тўпидан сўнг тўпни устунга уриб юборди, Дёкереш эса қулай ҳолатдан зарба берди, аммо нишонга етиб бормади. Натижада босим ўз самарасини берди.
25-дақиқада Мадуэке марказдан тўпни қабул қилиб, жарима майдонига яқинлашди ва кучли зарба билан тўпни дарвозанинг юқори ўнг бурчагига йўллади. Тўп дарвоза тўсинидан қайтиб, ичкарига кирди ва “Арсенал” ҳисобда олдинга чиқиб олди.
Танаффусга қадар меҳмонлар ўйинни тўлиқ назорат қилди. Иккинчи бўлимда ўйин сценарийси ўзгармади. Меҳмонлар ҳисобни йирикроқ кўринишга олиб чиқишди. Субименди чап қанот бўйлаб олдинга ўтиб, узоқ устунга аниқ узатма берди.
Мадуэке ҳимоячилардан холи ҳолда зарбани амалга ошириб, дубль қайд этди. “Брюгге” бунга бир қатор хавфли ҳужумлар билан жавоб берди.
Цолис ва Станкович узоқ масофадан дарвозабон Райани синаб кўришди, Фуро эса ўткир бурчакдан зарба йўллади, аммо дарвозани ишғол қила олмади. Бироқ “Арсенал” босимга бардош берди.
Шундан сўнг, лондонликлар ўйинга нуқта қўйди. Мартинелли чап қанотда рақиб ҳимоячисини алдаб ўтиб, 25 метр масофадан ажойиб зарба берди.
Тўп чиройли ёй бўйлаб узоқ юқори бурчакка бориб тушди ва ҳисобни 3:0 кўринишига келтирди. Якуний дақиқаларда бельгияликлар шон-шухрат голини уришга уриниб кўришди, аммо Мейер ва Мехеленинг зарбалари аниқ эмас эди.
Жезуснинг зарбасидан сўнг тўп дарвоза тўсинидан қайтиб, ҳисоб янада йириклашмасдан қолди.
Брюгге — Арсенал 0:3
Голлар: Мадуэке 25, 47, Мартинелли 56
Брюгге —Миноле, Сейс (Саббе, 74), Сике, Ордонес, Мехеле, Станкович, Онедика (Ветлесен, 74), Форбс (Дякон, 83), Ванакен, Тзолис, Тресолди (Фуро, 67).
Арсенал – Райя, Уайт (Салмон, 83), Норгард, Инкапие (Калафиори, 63), Люис-Скелли, Субименди, Мерино, Эдегор (Нванери, 72), Мадуэке (Сака, 71), Мартинелли, Гокереш (Жезус, 62).
Огоҳлантиришлар: Норгард 65, Уайт 68.
Меҳмон гуруҳидаги фойдаланувчилар ушбу мақолага изоҳ қолдира олмайди.
