«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд жамоаси чоршанба куни ОФК Чемпионлар лигаси доирасида «Аркадаг»га қарши ўйнайди. Португалиялик ҳужумчи бойкотдан кейин тез орада сафга қайтиши кутилаётганди, бироқ бу баҳсда ҳам у таркибда бўлмайди.
Жезушнинг сўзларига кўра, жамоа зич тақвим сабаб Роналду ва асосий таркибдаги яна бир қатор футболчиларга дам беришга қарор қилган. Мураббий шанба куниги муҳим чемпионат ўйини — «Ал-Фатеҳ»га қарши учрашув олдидан футболчиларни асрашни маъқул кўрганини таъкидлади.
Шунингдек, у Роналду Саудия Арабистонидан ташқарида ўтадиган баҳсларда вақти-вақти билан майдонга тушмай қолиши янгилик эмаслигини эслатди. Бу ҳолат илк бор кузатилаётгани йўқлигини Al Nassr Zone Жезушдан иқтибос келтирган ҳолда ёзди.
Саудия чемпионатининг «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
