Донецкнинг «Шахтёр»и ҳамда Италиянинг «Милан» клубини бошқарган мураббий Пауло Фонсека сиёсий мавзудаги кескин фикрлари билан яна кун тартибига қайтди. У футбол бўйича жаҳон чемпионатини АҚШда ўтказиш ғоясини маъқулламаслигини билдирди. Бу ҳақда euro-football.ru хабар беради.
Фонсека Дональд Трамп АҚШ президенти лавозимига қайтганидан кейин Европада бу мамлакатдаги жараёнлар борасида хавотир кучайганини ҳам эслатиб ўтди.
“Америка президенти позицияси шундай: энг ҳимоясиз қатламларни эътиборсиз қолдириш ва фақат ўз манфаатини илгари суриш. У одамлар ҳақида ўйламайди, фақат пулни ўйлайди. Футболнинг ҳақиқий мухлислари ва унга содиқ инсонлар мусобақалашадиган жой бошқа бўлиши керак, АҚШ эмас”, — дея Фонсеканинг сўзларини derbyderbyderby.it келтиради.
Эслатиб ўтамиз, жаҳон чемпионати 11 июн куни старт олади.
“Zamin”ни Telegram'да ўқинг!
