Donetskning «Shaxtyor»i hamda Italiyaning «Milan» klubini boshqargan murabbiy Paulo Fonseka siyosiy mavzudagi keskin fikrlari bilan yana kun tartibiga qaytdi. U futbol bo'yicha jahon chempionatini AQShda o'tkazish g'oyasini ma'qullamasligini bildirdi. Bu haqda euro-football.ru xabar beradi.
Fonseka Donald Tramp AQSh prezidenti lavozimiga qaytganidan keyin Yevropada bu mamlakatdagi jarayonlar borasida xavotir kuchayganini ham eslatib o'tdi.
“Amerika prezidenti pozitsiyasi shunday: eng himoyasiz qatlamlarni e'tiborsiz qoldirish va faqat o'z manfaatini ilgari surish. U odamlar haqida o'ylamaydi, faqat pulni o'ylaydi. Futbolning haqiqiy muxlislari va unga sodiq insonlar musobaqalashadigan joy boshqa bo'lishi kerak, AQSh emas”, — deya Fonsekaning so'zlarini derbyderbyderby.it keltiradi.
Eslatib o'tamiz, jahon chempionati 11 iyun kuni start oladi.
“Zamin”ni Telegramʻda oʻqing!
