Ethereum (ETH) narxi joriy yilda 28 foizga tushganiga qaramay, uning uzoq muddatli investitsion salohiyati tahlilchilar eʻtiborini tortmoqda. Tarmoq hamon markazlashmagan moliya (DeFi) va oncheyn faolligi boʻyicha yetakchilikni saqlab qolmoqda. Hozirda Ethereum tarmogʻida 43 milliard dollarlik DeFi likvidligi, 165 milliard dollardan ortiq steyblkoinlar va ommaviy blokcheynlardagi tokenizatsiya qilingan aktivlarning taxminan 55 foizi joylashgan. Bu haqda Cointelegraph.com xabar beradi.
Token Terminal maʻlumotlariga koʻra, tokenizatsiya qilingan birja fondlari (ETF) bozor kapitallashuvi 400 million dollardan oshdi va bu bozorda Ethereum ulushi 76,9 foizni tashkil etmoqda. Kripto-tahlilchi Tanaka turli zanjirlar orasidagi oncheyn ulushiga tayanib, Ethereum oʻzining ustunligini saqlab qolayotganini taʻkidladi.
Ethereum steyking faolligi ham narx pasayishiga qaramay oʻsishda davom etmoqda. Tarmoq maʻlumotlari shuni koʻrsatadiki, steyking qilingan ETH miqdori qariyb 39,1 million tangaga yetdi, bu umumiy taklifning 32 foizini tashkil qiladi. Validatorlar navbati hamon yuqori boʻlib, 3,49 milliondan ortiq ETH steykingga kirishni kutmoqda, bu esa 60 kundan ortiq kutish vaqtini yuzaga keltirgan.
CryptoQuant maʻlumotlari ham Ether toʻplash tendensiyasini tasdiqlamoqda. 20-may kuni akkumulyatsiya manzillariga ETH oqimi 248,400 tangani tashkil etdi, bu 6-yanvardan beri eng kuchli bir kunlik koʻrsatkichdir. Bunday hamyonlar odatda sotish faolligi past boʻlgan uzoq muddatli egalar bilan bogʻlanadi.
Tahlilchi Crypto Bullet fikricha, Ether haftalik grafigi hali ham 1,000 va 5,000 dollar oraligʻidagi koʻp yillik akkumulyatsiya diapazonini koʻrsatmoqda. Ekspert soʻnggi yillarni yirik trend rivojlanishidan oldin xaridorlar sekin-asta oʻz pozitsiyalarini mustahkamlayotgan davr sifatida baholaydi.
“Zamin”ni Telegramʻda oʻqing!
