Ethereum (ЭТҲ) нархи жорий йилда 28 фоизга тушганига қарамай, унинг узоқ муддатли инвестицион салоҳияти таҳлилчилар эътиборини тортмоқда. Тармоқ ҳамон марказлашмаган молия (ДеФи) ва ончейн фаоллиги бўйича етакчиликни сақлаб қолмоқда. Ҳозирда Ethereum тармоғида 43 миллиард долларлик ДеФи ликвидлиги, 165 миллиард доллардан ортиқ стейблкоинлар ва оммавий блокчейнлардаги токенизация қилинган активларнинг тахминан 55 фоизи жойлашган. Бу ҳақда Cointelegraph.com хабар беради.
Токен Терминал маълумотларига кўра, токенизация қилинган биржа фондлари (ЭТФ) бозор капиталлашуви 400 миллион доллардан ошди ва бу бозорда Ethereum улуши 76,9 фоизни ташкил этмоқда. Крипто-таҳлилчи Танака турли занжирлар орасидаги ончейн улушига таяниб, Ethereum ўзининг устунлигини сақлаб қолаётганини таъкидлади.
Ethereum стейкинг фаоллиги ҳам нарх пасайишига қарамай ўсишда давом этмоқда. Тармоқ маълумотлари шуни кўрсатадики, стейкинг қилинган ЭТҲ миқдори қарийб 39,1 миллион тангага етди, бу умумий таклифнинг 32 фоизини ташкил қилади. Валидаторлар навбати ҳамон юқори бўлиб, 3,49 миллиондан ортиқ ЭТҲ стейкингга киришни кутмоқда, бу эса 60 кундан ортиқ кутиш вақтини юзага келтирган.
CryptoҚуант маълумотлари ҳам Этҳер тўплаш тенденциясини тасдиқламоқда. 20-май куни аккумуляция манзилларига ЭТҲ оқими 248,400 тангани ташкил этди, бу 6-январдан бери энг кучли бир кунлик кўрсаткичдир. Бундай ҳамёнлар одатда сотиш фаоллиги паст бўлган узоқ муддатли эгалар билан боғланади.
Таҳлилчи Crypto Буллет фикрича, Этҳер ҳафталик графиги ҳали ҳам 1,000 ва 5,000 доллар оралиғидаги кўп йиллик аккумуляция диапазонини кўрсатмоқда. Эксперт сўнгги йилларни йирик тренд ривожланишидан олдин харидорлар секин-аста ўз позицияларини мустаҳкамлаётган давр сифатида баҳолайди.
“Zamin”ни Telegram'да ўқинг!
