Joriy yil boshida Lucra Sports asoschisi va bosh ijrochi direktori Dylan Robbins koʻpchilik imkonsiz deb hisoblagan ishni amalga oshirdi. U taniqli investor Cathie Wood va uning ARK Invest Venture Fund jamgʻarmasini startapning investitsiya raundida yetakchi investor sifatida jalb qila oldi. Oʻtgan oyda Lucra kompaniyasi ARK boshchiligida 20 million dollarlik B seriyadagi investitsiyalarni qoʻlga kiritganini eʻlon qildi. Bu haqda Techcrunch.com xabar beradi.
Robbinsning muvaffaqiyati shundaki, u ARK jamgʻarmasini eSports sohasidagi avvalgi muvaffaqiyatsiz tajribasiga qaramay ishontira oldi. Jamgʻarma avvalroq Skillz platformasiga katta sarmoya kiritib, zarar bilan chiqqan edi. Eng qizigʻi, Lucra hozirda barcha venchur kapitalistlar quvayotgan AI sohasiga bevosita aloqador boʻlmasa-da, bunday yirik sarmoyani jalb qila oldi.
Lucra kompaniyasi bizneslar uchun oʻziga xos sodiqlik dasturi sifatida oq yorliqli (white-label) interaktiv oʻyin musobaqalarini taklif etadi. Oddiy kuponlar oʻrniga, Lucra mijozlari sovrinli onlayn turnirlar yoki mijozlar oʻrtasidagi doʻstona garovlarni tashkil etishadi. Uning mijozlari qatorida Five Iron Golf, Dave & Buster’s va Chess King kabi brendlar bor.
Robbins ushbu muvaffaqiyatning ikkita asosiy sirini ochiqladi. Birinchidan, har doim va hamma joyda odamlar bilan doʻstona munosabatda boʻlish lozim, chunki oddiy suhbat kelajakdagi yirik investorga aylanishi mumkin. Robbins oʻz investorini Nyu-Yorkdagi barlarning birida darts oʻynab yurganida uchratganini eslaydi.
Ikkinchi sir esa, hatto kompaniya sof sunʻiy intellekt mahsuloti boʻlmasa ham, taqdimotni (pitch) AI imkoniyatlaridan boshlashdir. Robbinsning taʻkidlashicha, zamonaviy bozorda investorlar eʻtiborini tortish uchun texnologiyaning ushbu qismiga urgʻu berish strategik ahamiyatga ega.
“Zamin”ni Telegramʻda oʻqing!
