"Ювентус" ўз майдонида "Кальяри"ни 2:1 ҳисобига мағлуб этди ва А Сериясининг 13-турида муҳим ғалабани қўлга киритди. Турин жамоаси ғалабани Кенан Йилдизнинг дублига таяниб қўлга киритди.
Учрашув меҳмонларнинг эҳтиёткор ўйини билан бошланди. 28-дақиқада "Кальяри"нинг ўнг қанот футболчиси Палестра жарима майдонига узатма берди, Эспозито бир зарбада тўпни дарвозанинг ўнг бурчагига йўналтириб, ҳисобни очди.
Бироқ туринликлар дарҳол жавоб қайтаришди. Калулу чап қанотдан ҳужум бошлади ва жарима майдонига узатма берди.
Рикошет натижасида тўп Йилдизга келиб тушди, у эса дарвозанинг узоқ бурчагига аниқ зарба берди. Биринчи бўлимнинг охирида мезбонлар босимни оширишда давом этишди.
45-дақиқада Калулу яна ўнг қанотдан ҳужумни бошлади ва жарима майдони ташқарисидаги Йилдизни узатма билан топди. Кенан тўпни қабул қилиб, чап бурчакка кучли зарба берди ва "Ювентус"ни олдинга олиб чиқди.
Иккинчи бўлимда Спалетти жамоаси ўйин назоратини сақлаб қолди. Консейсао ўнг қанотдан хавфли ҳужумлар уюштириб, жарима майдонига бир неча бор узатмалар берди.
"Кальяри" қарши ҳужумлар уюштирди, аммо Перин "Кальяри" футболчилари Идрисси ва Палестрадан келган зарбаларга ишончли жавоб қайтарди. Меҳмонларнинг алмаштирилган футболчилари ўйинни тезлаштирди, бироқ "Ювентус" ҳимояси охиригача хатосиз ўйнади.
Охирги дақиқаларда Опенда ва Миретти майдонга туширилиб, мезбонлар ўйинни ўз дарвозасидан узоқроқда давом эттиришга эришди. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
