Өзбекстандағы “Өткір тергеу” бағдарламасының “Қайнона етінен манты жасаған келін” деп аталатын эпизоды шындыққа сәйкес келмейді. Бұл туралы Өзбекстан Жоғарғы сотының баспасөз хатшысы Азиз Абидов хабарлады.
Оның сөзінше, елде мұндай жағдайлар тіркелмеген және бірде-бір сот мұндай істі қарамаған. Абидовтың айтуынша, бағдарлама авторлары “нағыз оқиғаларға негізделген” деген жазуды қосуды ұмытпағанымен, бұл жолы олар оқиғаны қылмыстың алдын алу мақсатында өздері ойлап тапқан.
Сондай-ақ, Абидов әлеуметтік желі қолданушыларын мұндай оқиғаларды дұрыс түсіндіруден тартынуға шақырды. 29-қазан күні эфирге шыққан бұл бағдарлама әлеуметтік желілерде кеңінен талқыланды.
Бүгінге дейін Milliy TV-ның YouTube-тегі ресми арнасында бұл эпизодты 600 мыңнан астам адам көрген.
