Қытайдың Xiaomi компаниясы жаңартылған SU7 электр седанына алдын ала тапсырысты ашты. Reuters мәліметінше, модель 2026 жылдың сәуірінде сатылымға шығады. Бұл туралы kursiv.uz хабарлайды. хабарлайды .
Жаңартудың негізгі бағыты — қауіпсіздік: соқтығысудың алдын алуға арналған жүйелер күшейтілді. Атап айтқанда, жолдағы кедергілерді анықтау үшін лидар қосылғаны айтылды.
Жаңа SU7 бағасы 229 900 юань (шамамен 32,9 мың доллар) болып белгіленді. Бұл алдыңғы нұсқадан сәл қымбат, бірақ Tesla Model 3-тен арзан.
Компания өкілдері жаңартуда жылдамдықтан гөрі қауіпсіздік басым болғанын атап өтті. SU7 2024 жылдың наурызынан бері нарыққа шыққалы 360 мыңнан астам көлік сатылды, алайда соңғы айларда Қытай нарығында танымалдық бойынша Tesla Model 3 алға шықты.
Xiaomi 2026 жылы жалпы 550 мың электромобиль сатуды жоспарлап отыр, бұл көрсеткішке YU7 кроссовері де кіреді. Өткен жылы компания электромобильдері қатысқан екі апаттан кейін сын күшейді; Xiaomi шағымдарға жауап беріп жатқанын және сатып алушылар сенімін нығайту үшін, соның ішінде көлік құрастыру үдерісін тікелей эфирде көрсетіп жатқанын мәлімдеді.
“Zamin”-ді Telegram-нан оқыңыз!
