Енді әдемі автонөмірді аукционсыз алуға болады

Өзбекстанда «әдемі» автокөлік нөмірлерін сатып алу тәртібі өзгерді, деп хабарлады Tashkenttodayuz Telegram арнасы.

Енді 777, 111, 001 сияқты танымал комбинацияларды аукционға қатыспай-ақ, тікелей сатып алуға болады. Бұл нөмірлер үшін бірыңғай белгіленген баға енгізілді.

Мәліметке сәйкес, бір әдемі автонөмірдің бағасы 5 974 000 сомды құрайды. Оны «Файзобод» тіркеу бөліміндегі қолжетімді тізімнен таңдауға болады.

Үдеріс толықтай сол жерде жүзеге асырылады: техникалық байқаудан өту, құжаттарды рәсімдеу және нөмірді алу. Жаңа жүйе делдалдар мен сауданы алып тастап, сатып алуды едәуір жеңілдетті.