Электромобильдерді зарядтау енді мемлекет есебінен

Өзбекстанда экологиялық автомобильдерді дамыту бойынша бес жылдық бағдарлама жүзеге асырылуда. Президент Шавкат Мирзиёев 26 желтоқсанда Олий Мажлис пен халыққа жасаған жолдауында жергілікті электромобильдерге 12% автокредит, шетелдік электромобильдерге 16% несие берілуін хабарлады.

Электромобильдерді зарядтау станцияларын ұйымдастыру үшін кәсіпкерлерге 10% жеңілдетілген несие беріледі және жерлерді аукционнан екі есе арзан сатып алу мүмкіндігі жасалады. Сонымен қатар, зарядтау станцияларында 1 киловатт-сaat электр энергиясының 300 сумнан асатын бөлігі мемлекет есебінен өтеледі.

Бағдарлама аясында электромобильдерде такси қызметін көрсететін азаматтарға да бірқатар жеңілдіктер ұсынылады. 2025 жылдың қазан айында екінші нарықта электромобиль сату 15% өскені атап өтілді.

Президент сонымен қатар, Әндіжан мен Қоңғырот, Ташкент пен Терме, Самарқанд пен Шахрисабз, Олот пен Сариосиё арасындағы 4 мың километрлік магистраль жолдары халықаралық стандарттарға сай автомобиль жолдарына айналатынын хабарлады. Бұл жолдар көлік жүйесін дамытуға және электромобильдерді қолдауға қызмет етеді.