2025 жылғы 25 желтоқсан күні аңызға айналған режиссер Кристофер Нолан түсірген жаңа “Одиссея” фильмінің алғашқы трейлері әлеуметтік желілерде ерекше резонанс тудырды. Бір тәулікте видеороликті 121 миллионнан астам рет көрген. Бұл туралы Forbes басылымы WaveMetrix деректеріне сүйеніп хабарлады.
Бұл көрсеткіш Ноланның алдыңғы мегажобасы — “Оппенгеймер” трейлерінің алғашқы тәулік көрсеткішінен екі есе жоғары. Осылайша, “Одиссея” 2025 жылы Universal Pictures студиясы үшін ең танымал трейлерге айналды. Қысқаша айтқанда, интернет тағы да Нолан эффектісін сезінді.
Көрілімдердің ең үлкен бөлігі TikTok платформасына тиесілі болды — 27 пайыз. Одан кейінгі орындарға YouTube, Facebook, Instagram және X орналасты. Бұл фильмге деген қызығушылықтың тек кино жанкүйерлерімен ғана шектелмегенін көрсетеді.
Фильм сюжетінің негізі ежелгі грек ақыны Гомердің әйгілі “Одиссея” эпосынан алынған. Картинада Троя соғысы аяқталғаннан кейін кейіпкер Одиссейдің ұзақ әрі қауіпті үйге оралу сапары бейнеленеді. Бас рөлді Мэтт Дэймон сомдаған.
Сонымен қатар, фильм актерлер құрамына да ерекше назар аударуға болады. Жобада Энн Хэтэвей, Том Холланд, Зендея, Роберт Паттинсон, Люпита Нионго және Шарлиз Терон сынды жұлдыздар қатысқан. Мұндай актерлік құрам — бұл сәттілік формуласы.
Белгілі болғандай, фильмнің бюджеті шамамен 250 миллион доллар шамасында бағалануда. Картинаның ресми премьерасы 2026 жылғы 17 шілдеге жоспарланғанымен, билеттер көрсетілімге бір жыл қалғанда сатыла бастады. Бұл студияның фильмге деген сенімі өте жоғары екенін көрсетеді.
Қысқасы, “Одиссея” экранға шықпай жатып-ақ тарих жаза бастады. Егер трейлер осындай шу шығарса, фильмнің өзі қандай әсер қалдыратынын елестету қиын емес.
«Меҳмон» тобындағы келушілер бұл жарияланымға пікір қалдыра алмайды.
