"Челси" Морган Роджерсті сатып алуды жоспарлауда

Бирмингемнің "Астон Вилла" клубының шабуылшысы Морган Роджерс ағымдағы маусымның соңында өз командасын ауыстыруы мүмкін. Бұл туралы танымал инсайдер Фабрицио Романо әлеуметтік желілерде хабарлады.

Лондонның "Челси" клубы футболшыны өз қатарына қосуды қарастырып жатыр. 23 жастағы футболшыны Transfermarkt порталы 70 миллион еуроға бағалаған.

Морган Роджерстің "Астон Вилла"-мен қолданыстағы келісімшарты 2031 жылғы маусымның соңына дейін жарамды. Ағылшын Премьер-лигасының қазіргі маусымында Роджерс 17 ойынға қатысып, 7 гол және 3 нәтижелі пас берген.