«Наполи» клубының бұрынғы капитаны Лоренцо Инсинье Солтүстік Америкадағы мансабынан кейін Италияға оралды. Канаданың «Торонто» клубында ойнаған тәжірибелі шабуылшы әзірге бірден жаңа команда таба алмай, уақытша клубсыз қалып отыр. Бұл туралы euro-football.ru хабарлайды .
Соған қарамастан, 34 жастағы футболшы үмітін үзген жоқ. Әлеуметтік желідегі жазбаларына қарағанда, ол физикалық бабын жоғары деңгейде ұстау үшін залда тұрақты түрде жаттығу жасап жүр. Кезекті суреттерінің біріне Инсинье «ешқашан берілмеймін» және «әрдайым сенемін» деген мағынадағы сөздерді де қоса жазды.
Еске салайық, Инсинье «Наполи» сапында 2009–2022 жылдары ойнады. Италия құрамасы үшін 54 матч өткізіп, 2021 жылы командасымен бірге Еуропа чемпионы атанды.
“Zamin”-ді Telegram-нан оқыңыз!
Ctrl
Enter
Қате таптыңыз ба?
Сөйлемді бөліп, Ctrl+Enter басыңыз 
