Африкада болған кезекті қайғылы оқиға қоғам назарын аударды. Габон аумағында пілдер тобы америкалық бай аңшыны таптап өлтіргені хабарланды. Бұл туралы Daily Mail Collect Africa туристік компаниясының деректеріне сүйеніп хабар таратты.
Хабарға қарағанда, қаза тапқан тұлға — Эрнни Дозио болып шықты, ол Калифорнияда жүзімдік иесі болған және көп жылдар бойы Африка мен Америкада экзотикалық жануарларды аң аулаумен айналысқан.
Белгілі болғандай, ол серігімен бірге орманда антилопа аулап жүргенде бес үлкен піл мен бір піл баласына кездескен. Аңшылардың қолында қару барын сезген жануарлар күрт реакция білдіріп, шабуылға өткен.
Қатты шабуыл салдарынан Эрнни Дозио оқиға орнында қаза тапты, ал оның серігі әртүрлі жарақаттар алған. Бұл туралы марқұмды таныған Кейптаундық бұрынғы аңшы хабарлады.
Мамандар атап өткендей, пілдер, әсіресе баласымен бірге болған кезде, өте қорғаншыл және қауіпті болуы мүмкін. Сол себепті мұндай жағдайларда олардың шабуылға өту ықтималдығы өте жоғары саналады.
