Mercedes G-класси иштирокидаги аварияда Tesla Cybertruck'нинг орқа қисми ажралиб кетди

Америка Қўшма Штатларининг Техас штати, Фриско шаҳрида содир бўлган йўл-транспорт ҳодисасида электр пикапи Tesla Cybertruck жиддий шикастланди. CBS News Texas хабарига кўра, Mercedes-Benz G-класси ҳайдовчиси тиббий ҳолат туфайли бошқарувни йўқотиб, йўл ёқасида турган саккизта автомобилга урилган.

Ҳодиса натижасида, Tesla Cybertruck\'нинг орқа қисми олд қисмидан ажралиб кетган. Mercedes-Benz G-класси эса тўнтарилиб кетган, ҳайдовчи эса ҳаёт учун хавфли бўлмаган жароҳатлар билан касалхонага ётқизилган. Полиция маълумотларига кўра, ҳодиса қасддан содир этилмагани сабабли, ҳайдовчига қарши айбловлар қўйилмаган.