Қирғизистондаги 3 магнитудали ер силкиниши Ўзбекистонда ҳам сезилди

25-сентябр куни соат 06:20 да Қирғизистон ҳудудида зилзила содир бўлди. Ер силкиниши Ўзбекистон ҳудудида ҳам сезилди, деб хабар берди Республика сейсмопрогностик мониторинг маркази.

Маълумотларга кўра, зилзила эпицентри Тошкентдан 246 км жануби-шарқда, Қирғизистоннинг Боткен вилоятида жойлашган. Унинг магнитудаси 3, чуқурлиги 5 км, эпицентрда сезилиш кучи 4 балл бўлган.

Ўзбекистонда зилзила қуйидагича ҳис қилинди: Қувасой шаҳрида — 2 балл (23 км), Фарғона туманида — 2–3 балл (14 км), Фарғона шаҳрида — 2 балл (23 км).

Ҳодиса оқибатида зарар ва жабрланишлар ҳақида маълумот берилмади. Зилзила параметрлари аниқлаштирилмоқда.