Франциялик вингсютчи Алп тоғларида гилам билан парвоз қилди
Франциялик таниқли экстремал спортчи ва вингсютчи Винсент Котт Алп тоғларида ноодатий ва хавфли сакрашни амалга оширди. У баланд тоғ чўққисидан махсус жиҳозлар билан сакраб, ҳавода қисқа парвоз қилди.
Маълумотларга кўра, спортчи сакраш вақтида ўзи билан гиламдан фойдаланган. Тоғ ёнбағирларидан тезлик билан пастга йўналган Котт маълум масофани ҳавода парвоз қилиб ўтди.
Ерга яқинлашгач, у хавфсизликни таъминлаш мақсадида парашютни очиб, муваффақиятли тарзда қўнишни амалга оширди. Ушбу мураккаб ва хавфли сакраш унинг профессионал тайёргарлиги ва тажрибасини яна бир бор намоён этди.
Мазкур видео ижтимоий тармоқларда катта шов-шувга сабаб бўлиб, 80 миллиондан ортиқ марта кўрилган. Фойдаланувчилар унинг жасорати ва экстремал спортдаги маҳоратини юқори баҳоламоқда.
