Ўзбекистондаги қурилиш компанияларининг ишончлилик рейтинги эълон қилинди

Қурилиш ва уй-жой коммунал хўжалиги вазирлиги Қурилиш соҳасида ахборот-коммуникация технологияларини ривожлантириш маркази соҳавий қурилиш-пудрат ташкилотлари рейтинги эълон қилинди. Унда Ўзбекистонда фақат битта компания юқори (75 фоиз) ишончлилик даражасига эга дея кўрсатилган.

Тўртта тоифага бўлинган рейтингдан жами 17 647 та компания ўрин олган. Энг ишончли компаниялар “А” тоифасига киритилган.

Эълон қилинган диаграммага кўра, рейтингдаги энг ишончлилар рўйхатига 75 фоизли кўрсаткич билан фақат битта компания киритилган.

Қуйи даража — “Д” тоифасидан 14 668 та компания ўрин олган. Бу рейтингдаги жами компанияларнинг 83 фоизи демак.

Маълумот учун, Ўзбекистонда қурилиш билан шуғулланаётган корхона ва ташкилотлар сони 45 591 тани ташкил этади. Уларнинг энг катта қисми, яъни 9 166 таси ёки республикадаги жами корхоналарнинг 20,1 фоизи Тошкент шаҳрида жойлашган.