Зироат Мирзиёева Нукус шаҳридаги 2 та мактабга ташриф буюрди

“Замин” фонди Васийлик кенгаши раиси Зироат Мирзиёева Нукус шаҳридаги 1-сонли умумтаълим мактаби ва 4-сонли ихтисослаштирилган мактаб-интернатига ташриф буюрди. Бу ҳақда фонд матбуот хизмати хабар берди.

^{Фото: “Замин” фонди}
Зироат Мирзиёева ўқитувчилар ва ўқувчилар билан суҳбатлашди, уларнинг ютуқлари ҳақида маълумот олди, шунингдек, таълим муассасаларида ўрнатилган замонавий сув тозалаш тизимларини кўздан кечирди.

^{Фото: “Замин” фонди}
Фонд кўмагида Қорақалпоғистон Республикасидаги 180 та мактаб тоза ичимлик сувидан баҳраманд бўлиши учун сув тайёрлаш ускуналари билан жиҳозланди.

^{Фото: “Замин” фонди}
Лойиҳанинг барқарорлигини таъминлаш мақсадида мактабларда UNICEF экспертлари томонидан сувни тежаш, санитария ва гигиена бўйича тренинглар ўтказилмоқда.

^{Фото: “Замин” фонди}
“Тоза ичимлик суви” лойиҳасини амалга ошириш доирасида келгусида Қорақалпоғистоннинг яна 52 та мактабида сув тозалаш тизимлари ўрнатилади, бу эса болаларнинг таълим олиш шароитлари ва саломатлигини яхшилаш имконини беради.

<sup>Фото: “Замин” фонди

Фото: “Замин” фонди</sup>