Яшнобод туманида 2 та уй ёниб кетди (фото)

30 сентябрь куни Тошкентда икки уйда ёнғин юз берди, деб хабар бермоқда ИИББ матбуот хизмати.

Хабарда айтилишича, ёнғин Яшнобод тумани «Табибий» кўчасидаги 11-хонадонда юз берган ва ёнғин қўшни 13-уйга ҳам ўтган. Воқеа жойига 7 дақиқа ичида етиб келган ўт ўчирувчилар томонидан соат 12:30 да ёнғин бутунлай ўчирилди.

Воқеа натижасида умумий ҳисобда 200кв м. майдон ёниб кетган, жабрланганлар йўқ.

Ёнғин келиб чиқишига ёнғин хавфсизлиги қоидаларига риоя этилмагани сабаб бўлган, деб тахмин қилинмоқда.