Хоразмга кучли шамол ва қор бўрони ёпирилди (фото, видео)

^{Кадр: Telegram}
Хоразм аҳолиси ижтимоий тармоқларга 13 март куни вилоятга ёпирилган кучли қор бўрони тасвирланган видео ва фотоларни жойлаштирмоқда. Ноодатий кучли қор бўрони, қор ва шамолга, хусусан, Урганч аҳолиси гувоҳ бўлган.

Аввалроқ «Ўзгидромет» Қорақалпоғистон ва Хоразм ҳудудларига совуқ ҳаво оқими кириб келиши ҳақида огоҳлантирган эди. Жойларда шамол 17-22 метр/секундгача кучайишини, баъзида эса 25-28 метр/секундгача кучайиши мумкинлигини маълум қилган.

«Хоразм ҳудудий электр тармоқлари» АЖ матбуот хизматининг маълум қилишича, кучли шамол ва тинимсиз қор ёғиши оқибатида вилоятдаги электр тармоқларига ҳам катта зарар етмоқда.

^{Фото: «Хоразм ҳудудий электр тармоқлари» АЖ}
«‘Хоразм ҳудудий электр тармоқлари’ АЖнинг барча тезкор ишчи гуруҳлари жалб қилиниб, аварияларни бартараф қилиш ишлари олиб борилмоқда. Юзага келган ноқулайликлар учун узр сўраймиз», — дейилади хабарда.

^{Фото: «Хоразм ҳудудий электр тармоқлари» АЖ}
Telegram’даги AviaSpotter каналида эълон қилинган видеоларнинг бирида Урганч аэропорти тасвирланган.

pic.twitter.com/ypxVoveDv8

— Shukhrat (@bankir2102) March 13, 2021