Швеция мураббийи: "Меҳмондаги ўйин қийин бўлади, лекин бизга омад кулиб боқди"

Швеция миллий жамоаси бош мураббийи Грэхем Поттер ЖЧ-2026 саралаш плей-офф босқичи қуръа натижаларига изоҳ берди. Швеция ярим финалда Украина билан тўқнаш келади.

\"Энди кимга қарши ўйнашимизни биламиз ва бу қаршиликни интиқлик билан кутяпмиз. Ўйинга ҳали кўп вақт бор, лекин у жуда тез ўтиб кетади, деб ўйлайман.

Меҳмон ўйинлар ҳар доим қийин кечади, лекин бизга омад кулиб боқди: агар Украинани мағлуб қилсак, ҳал қилувчи ўйин Швеция ерларида бўлади\", – деди Поттер \"Aftonbladet\"га берган интервьюсида.

Саралаш гуруҳида Швеция тўртинчи, яъни охирги ўринни эгаллаган бўлса-да, Миллатлар лигасидаги натижалари туфайли плей-офф босқичига йўл олди. Ушбу жуфтлик ғолиби финалда Польша ёки Албания билан ўйнайди.