Intel ноутбук ишлаб чиқарувчиларга ўз шартларини ўтказмоқда
Никкеи Асиа маълумотларига кўра, Intel компанияси ноутбук ва шахсий компьютер ишлаб чиқарувчиларни 18А технологик жараёни асосида ишлаб чиқарилган янги процессорларга ўтишга фаол ундай бошлади. Бунинг учун компания Intel 7 технологик жараёнига асосланган эски чиплар етказиб беришни босқичма-босқич чекламоқда ва ҳамкорларини янги авлод CPU'ларига ўтишга мажбур қилмоқда. Бу ҳақда Ixbt.com хабар беради.
Гап, биринчи навбатда, янги авлод ноутбукларида қўлланилаётган Пантҳер Лаке ва Вилдкат Лаке линиялари ҳақида бормоқда. Бунинг асосий сабаби Intel ишлаб чиқариш қувватларини қайта тақсимлаётганидир. Компания Intel 7 чипларини фойда кўпроқ бўлган сервер ва саноат сегментлари учун захира қилмоқда, натижада оммавий истеъмол бозори учун эски процессорлар етказиб бериш ҳажми қисқармоқда.
Компьютер ишлаб чиқарувчилари учун бу мураккаб вазиятни келтириб чиқармоқда: ёки тезлаштирилган тартибда янги 18А процессорларига ўтиш, ёки жорий моделлар учун одатий CPU'лар танқислигига дуч келиш керак. Муаммо шундаки, бундай ўтишни бир зумда амалга ошириб бўлмайди — янги қурилмаларни ишлаб чиқиш ва синовдан ўтказиш учун камида уч ой вақт талаб этилади.
Бундан ташқари, Пантҳер Лаке ва Вилдкат Лаке процессорларининг ўзи қимматроқ, шу сабабли янги ноутбуклар нархи ҳам ошиб бормоқда. Вазиятни бозорнинг янги Intel платформаларига нисбатан юқори талаб кўрсатмаётгани янада қийинлаштирмоқда. Кўпгина ОEМ ишлаб чиқарувчилари 18А чипли ноутбукларни харидорлар қизиқиши туфайли эмас, балки Intel билан ҳамкорлик алоқаларини сақлаб қолиш учун чиқаришган.
Ҳозирда Intel учун 18А ишлаб чиқариш ҳажмини ошириш стратегик аҳамиятга эга. Proтсессорлар қанча кўп ишлаб чиқарилса, яроқли кристаллар чиқиши шунча юқори бўлади ва таннарх пасаяди. Таҳлилчиларнинг фикрича, компания янги технологик жараён орқали фақат 2027-йилга келиб тўлиқ фойдага чиқишни режалаштирмоқда.
