Жамес Вебб тасдиқлади: Нереида Нептуннинг ягона асл йўлдоши бўлиб чиқди
Америкалик олимлар Нептун ўзининг дастлабки йўлдошларидан фақат биттасини — Нереидани сақлаб қолган деган хулосага келишди. Тадқиқотчиларнинг фикрига кўра, сайёранинг бошқа кичик ойлари анча кечроқ, яни Тритон сайёра гравитацияси томонидан тутилиб, ўзининг ғайритабиий орбитасига ўтганидан сўнг шаклланган. Мазкур илмий иш Ссиенсе Адвансес журналида эълон қилинди. Бу ҳақда Ixbt.com хабар беради.
Калифорния технология институти ходими Майкл Бровн бошчилигидаги гуруҳ Жамес Вебб Спасе Телескопе маълумотларидан фойдаланган ҳолда тадқиқот ўтказди. Натижалар шуни кўрсатдики, Нереида илгари тахмин қилинганидек ташқаридан келиб қолмаган, балки айнан Нептун яқинида ҳосил бўлган. Бу уни сайёра тизимининг илк давридан омон қолган ягона гувоҳга айлантиради.
Олимлар эътиборини узоқ вақтдан бери Тритон — Нептуннинг ретроград ҳаракатланувчи ва ноодатий орбита оғишига эга энг йирик йўлдоши жалб қилиб келади. Астрономлар ушбу объект Нептундан узоқда шаклланган ва кейинчалик унинг гравитацияси томонидан “асирга олинган” деб ҳисоблашади. Бундай улкан ҳодиса сайёранинг аксарият асл йўлдошларини парчалаб юборган ёки тизимдан чиқариб юборган бўлиши мумкин.
Жамес Вебб Спасе Телескопе — коинот эволюциясини ўрганиш учун яратилган дунёдаги энг йирик ва энг кучли орбитал инфрақизил обсерваториядир. NASA, ESA ва КСА ҳамкорлигида ишлаб чиқилган ушбу лойиҳа 2021-йил 25-декабрда учирилган эди. Ўзининг мислсиз сезгирлиги туфайли телескоп 13,5 миллиард йил аввал шаклланган илк юлдузлар ва галактикалар нурини илғашга қодир.
