Spotify энди журналлардаги мақолаларни аудио форматда тақдим этади
Spotify платформаси ўзининг аудио оламидаги мавқеини мустаҳкамлаш мақсадида янги функцияни ишга туширди. Эндиликда фойдаланувчилар илова орқали нуфузли журналларнинг узун мақолаларини аудио форматда тинглашлари мумкин бўлади. Ушбу янгилик Премиум обуначилар учун ҳар ойлик 15 соатлик аудио китоб тинглаш лимити доирасида тақдим этилади. Бу ҳақда Techcrunch.com хабар беради.
Ҳозирги вақтда платформада Роллинг Стоне, Те Атлантик, Вогуе, Вариетй, Биллбоард ва Виред каби машҳур нашрларнинг 650 дан ортиқ мақолалари жойлаштирилган. Ҳозирча ушбу контент фақат инглиз тилида мавжуд бўлиб, бепул фойдаланувчилар ҳар бир мақолани алоҳида 1,99 доллар эвазига сотиб олишлари мумкин. Spotify вакилларининг сўзларига кўра, мақолалар ҳам инсон овози, ҳам сунъий интеллект (дигитал воисе) ёрдамида овозлаштирилган.
Компания ушбу қадам орқали фойдаланувчиларни мусиқа ва подкастлардан ташқари, узоқ давом этадиган аудио контентларга ўргатишни кўзламоқда. Бу эса келажакда аудио китоблар сегментининг даромадлилиги ошишига хизмат қилади. Spotify Audiобоокс лицензиялаш бўлими раҳбари Коллеен Прендергастнинг таъкидлашича, қисқа шаклдаги контентлар фойдаланувчиларда соғлом тинглаш одатларини шакллантиришга ёрдам беради.
Сўнгги ҳафталарда Spotify сунъий интеллект соҳасида бир қатор янгиликларни эълон қилди. Булар қаторига Google НотебоокЛМ каби AI-генерация қилинган подкастлар, муаллифлар учун аудио китоб яратиш воситалари ва AI-каверлар киради. Янги мақолалар функцияси ҳам платформанинг умумий аудио экотизимини бойитишга қаратилган стратегиянинг бир қисмидир.
