Кинопоиск янгиланди: Шахсий профиллар, телеканалларни орқага қайтариш ва ўйинлар
Yandex жамоаси ўзининг Кинопоиск онлайн кинотеатри учун навбатдаги йирик янгиланишларни тақдим этди. Эндиликда фойдаланувчилар шахсий профилларини кастомизация қилиш имкониятига эга бўлдилар. Саҳифа учун махсус фон ва тавсиф танлаш, шунингдек, кўришлар тарихи ҳамда баҳоларни яшириш орқали махфийлик созламаларини ўзгартириш мумкин. Бу ҳақда Ixbt.com хабар беради.
Сервиснинг веб-талқини, iOS иловаси ва ақлли телевизорлар учун мўлжалланган дастурларида телеканалларни орқага қайтариш функцияси жорий этилди. Энди жонли эфирни тўрт соатгача бўлган вақт оралиғида ортга қайтариб кўриш мумкин. Плеердаги махсус слайдер ёрдамида трансляциянинг исталган нуқтасига ўтиш имконияти яратилди.
Мобил иловаларда фильм ва сериаллар саҳифасига кирганда трейлерларнинг автоматик тарзда ижро этилиши йўлга қўйилди. Шунингдек, фойдаланувчилар эксклюзив контентларга кириш ҳуқуқини берувчи «Смотрим» обунасини ҳам харид қилишлари мумкин бўлади.
Телевизорлар учун мўлжалланган «Игромир» бўлимида энди Стеам платформасидан сотиб олинган ўйинларни ва фреэ-то-плай лойиҳаларни ўйнаш имконияти мавжуд. Ҳозирда ушбу бўлим ЯОС Х операцион тизимида ишловчи қурилмаларда фаол, тез орада эса ЯОС ва Android ТВ тизимидаги телевизорларда ҳам пайдо бўлади.
