Барча талабаларга, семестрни қандай баҳода якунлашидан қатъи назар, бир хил миқдорда стипендия тайинланиши мумкин

Ҳозирда олий таълим муассасаларининг барча талабаларига, семестрни қандай баҳода якунлашидан қатъи назар, бир хил миқдорда стипендия тайинланиши тўғрисида қарор лойиҳаси кўриб чиқилмоқда. Бу ҳақда Facebook’даги «Maslahat.uz» саҳифасига таяниб «Дарё» хабар берди.

Бу қарор баҳо ортидан қувиш, яхши баҳо олиш учун моддий манфаат ва тамагирликларнинг олдини олишга хизмат қилиши кутилмоқда.

Қарор ҳали расман тасдиқлангани йўқ.