Франция Лигаси 1 нинг 21-турида «Нант» ўз майдонида «Лион»ни қабул қилди ва минимал ҳисобда мағлуб бўлди. Бу ҳақда euro-football.ru хабар беради.
Учрашув аввалида Моҳамед Кабанинг узоқ масофадан йўллаган зарбасидан сўнг тўп устунга тегди. 25-дақиқада Афонсе Морейра дарвозабонни енга олмади, бироқ дарҳол шеригини кўрди ва Павел Шулц аниқ зарба билан ҳисобни очди — 0:1. Орадан кўп ўтмай «Лион» яна хавфли ҳужум уюштирди: Эндрикнинг зарбасини дарвозабон бурчак тўпига қайтарди.
Иккинчи бўлимда «Нант» фаоллашди: Реми Кабелла ҳаводан ажойиб узатмалар билан Юссеф эл-Арабини бир неча бор зарба позициясига олиб чиқди. Эл-Арабининг бош билан йўллаган зарбаси устунга тегди, 69-дақиқада эса у дарвозабонни дог‘да қолдиришга жуда яқин бўлди.
Бироқ 59-дақиқада «Лион» учун муҳим бурилиш юз берди: Эндрик Демен Табибуга нисбатан қўпол ҳаракати учун қизил карточка олди. Шунга қарамай, меҳмонлар бир киши кам бўлиб ҳам ҳисобни сақлаб қолди ва ғалабани қўлдан чиқармади.
Натижада «Лион» омадли сериясини давом эттириб, турнир жадвалида якка учинчи ўринга кўтарилди. «Нант» эса учинчи поғонада қолмоқда, бироқ бу сафар пастдан — яъни қуйи учликда.
“Zamin”ни Telegram'да ўқинг!
