Кай Хавертс жароҳати сабабли JCH-2026 турнирини ўтказиб юбориши мумкин
«Арсенал» ҳужумчиси Кай Хавертс «Нюкасл»га қарши баҳсда жиддий жароҳат олиб, майдонни эрта тарк этишга мажбур бўлди. Мутахассисларнинг фикрича, футболчининг чов соҳасидаги муаммоси унинг узоқ муддатга сафдан чиқишига сабаб бўлиши мумкин. Ушбу жароҳат Хавертснинг нафақат клубдаги иштирокига, балки Германия терма жамоаси сафида ЖЧ-2026 турнирини ўтказиб юборишига ҳам хавф солмоқда. Ҳозирда футболчининг аниқ ташхиси ва тикланиш муддатлари кутилмоқда.
«Арсенал» ҳужумчиси Кай Хавертс Англия Премьер-лигаси доирасида «Нюкасл»га қарши кечган баҳсда жиддий жароҳат олди. Ўйиннинг биринчи бўлимида лондонликлар голига ассистентлик қилган германиялик футболчи, кўп ўтмай майдонга йиқилди ва оғриқдан азоб чека бошлади. Тиббий ходимлар ёрдамидан сўнг, 26 ёшли ҳужумчи 34-дақиқада майдонни оқсоқланган ҳолда тарк этишга мажбур бўлди. Бу ҳақда Goal.com хабар беради.
Эксперт Томас Хитслспергернинг фикрича, футболчининг чов соҳасида жароҳат бўлиши мумкин. Хавертс узоқ давом этган тикланиш жараёнидан сўнг январь ойида сафга қайтган эди. Унинг навбатдаги жароҳати нафақат «Арсенал»нинг чемпионлик пойгасидаги имкониятларига, балки Германия терма жамоасининг Жаҳон чемпионатидаги иштирокига ҳам хавф солмоқда.
Германия терма жамоаси устози Юлиан Нагелсманн учун бу катта йўқотиш бўлиши мумкин. Аввалроқ «Бавария» ҳужумчиси Серж Гнабри ҳам жароҳат сабаб турнирни ўтказиб юбориши маълум бўлган эди. Агар Хавертснинг жароҳати жиддий бўлиб чиқса, немислар ҳужум чизиғида асосий етакчиларсиз қолиши мумкин. Ҳозирча футболчининг аниқ ташхиси ва сафга қайтиш муддати маълум қилинмаган.
Изоҳлар 0
…