«Локомотив»нинг собиқ президенти Николай Наумов «Бенфика» бош мураббийи Жозе Моуриньо фаолиятини давом эттириши мумкин бўлган чемпионат сифатида Саудия Арабистонини тилга олди. У бу ҳақдаги фикрларини «Евро-Футбол.Ru» нашрига берган интервьюсида билдирди. Бу ҳақда euro-football.ru хабар беради.
Наумовнинг айтишича, Моуриньо аввалгидек сирли, кутилмаган ва ўзига хос мураббий сифатида кўринмаяпти. Эксперт фикрича, португалиялик мутахассис футбол тенденцияларидан ортда қолган ва ҳозирда оддийроқ, андозавийроқ мураббийга айланиб қолган.
Шу боис Наумов Моуриньо учун Саудия Арабистони варианти қулай бўлишини таъкидлади: у ерда маошлар юқори, шов-шувлар ёқади ва тажрибали, ёши катта юлдузлар билан ишлаш имконияти бор. Наумов назарида, айнан шу лига Моуриньо учун мос тушади.
Моуриньо бошқарувидаги «Бенфика» Чемпионлар лигаси 1/16 финалида Мадриднинг «Реал» клубига қарши майдонга тушади. Илк учрашув 17-февраль куни Португалияда бўлиб ўтади.
“Zamin”ни Telegram'да ўқинг!
