«Lokomotiv»ning sobiq prezidenti Nikolay Naumov «Benfika» bosh murabbiyi Joze Mourinyo faoliyatini davom ettirishi mumkin bo‘lgan chempionat sifatida Saudiya Arabistonini tilga oldi. U bu haqdagi fikrlarini «Yevro-Futbol.Ru» nashriga bergan intervyusida bildirdi. Bu haqda euro-football.ru xabar beradi.
Naumovning aytishicha, Mourinyo avvalgidek sirli, kutilmagan va o‘ziga xos murabbiy sifatida ko‘rinmayapti. Ekspert fikricha, portugaliyalik mutaxassis futbol tendensiyalaridan ortda qolgan va hozirda oddiyroq, andozaviyroq murabbiyga aylanib qolgan.
Shu bois Naumov Mourinyo uchun Saudiya Arabistoni varianti qulay bo‘lishini ta’kidladi: u yerda maoshlar yuqori, shov-shuvlar yoqadi va tajribali, yoshi katta yulduzlar bilan ishlash imkoniyati bor. Naumov nazarida, aynan shu liga Mourinyo uchun mos tushadi.
Mourinyo boshqaruvidagi «Benfika» Chempionlar ligasi 1/16 finalida Madridning «Real» klubiga qarshi maydonga tushadi. Ilk uchrashuv 17-fevral kuni Portugaliyada bo‘lib o‘tadi.
“Zamin”ni Telegramʻda oʻqing!
