Перреиннинг голи «Лилл»ни «Брест»га ютқизишдан сақлаб қолди

Инқироздан эндигина чиқиб келаётган «Лилл» ўз майдонида «Брест»ни қабул қилди. Бу ҳақда euro-football.ru хабар беради.

Учрашувнинг 58-дақиқасида Реми Ласкари жарима майдони ташқарисидан йўллаган кучли зарбаси билан ҳисобни очди — 0:1. «Лилл» бунга тезда жавоб қайтарди: Фелиш Коррея узатмасидан сўнг Гаэтан Перреин 71-дақиқада гол уриб, мувозанатни тиклади — 1:1.

Ушбу дурангдан кейин «Лилл» турнир жадвалида бешинчи поғонага кўтарилди, «Брест» эса 12-ўринда қолди.

«ZAMIN.UZ» муҳаррири