Қозоғистоннинг «Қайрат» клубида тўп сураётган ҳимоячи Александр Мартинович УЕФА Чемпионлар лигаси умумий босқичи учрашувидан сўнг мадридлик «Реал» ҳужумчиси Килиан Мбаппе билан футболка алмашгани ҳақида хотираларини бўлишди. Бу ҳақда euro-football.ru хабар беради.
Мартиновичнинг айтишича, у ўйин тугаганидан кейин стадионнинг ички йўлагида Мбаппедан футболкасини сўраган. «У “Ҳа, муаммо йўқ”, деди ва ўз майкасини берди. Кейин мен ундан: “Сенга меникиси керакми?” деб сўрадим. У эса: “Ҳа, албатта”, деб жавоб берди», — деди футболчи «Match TV» эфирида.
Эслатиб ўтамиз, «Қайрат» — «Реал» учрашуви ўтган йил сентябрида бўлиб ўтган. Мадрид клуби ўша баҳсда қозоғистонлик рақибини 5:0 ҳисобида йирик мағлубиятга учратган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
