Qozog‘istonning «Qayrat» klubida to‘p surayotgan himoyachi Aleksandr Martynovich UEFA Chempionlar ligasi umumiy bosqichi uchrashuvidan so‘ng madridlik «Real» hujumchisi Kilian Mbappe bilan futbolka almashgani haqida xotiralarini bo‘lishdi. Bu haqda euro-football.ru xabar beradi.
Martynovichning aytishicha, u o‘yin tugaganidan keyin stadionning ichki yo‘lagida Mbappedan futbolkasini so‘ragan. «U “Ha, muammo yo‘q”, dedi va o‘z maykasini berdi. Keyin men undan: “Senga menikisi kerakmi?” deb so‘radim. U esa: “Ha, albatta”, deb javob berdi», — dedi futbolchi «Match TV» efirida.
Eslatib o‘tamiz, «Qayrat» — «Real» uchrashuvi o‘tgan yil sentabrida bo‘lib o‘tgan. Madrid klubi o‘sha bahsda qozog‘istonlik raqibini 5:0 hisobida yirik mag‘lubiyatga uchratgan.
“Zamin”ni Telegramʻda oʻqing!
