Саудия Арабистони чемпионати 22-турида “Ал-Наср” сафарда “Ал-Фатех”ни 2:0 ҳисобида мағлуб этди. Учрашувдаги голлардан бирига 41 ёшли марказий ҳужумчи Криштиану Роналду муаллифлик қилди. Бу ҳақда euro-football.ru хабар беради.
Бойкотдан кейин яна майдонга қайтган португалиялик юлдузнинг ўйини футбол шарҳловчиси Александр Елагин эътиборини тортди.
“Буюк футболчи бойкотдан сўнг қайтди ва гол урди. Фақат гол билан кифояланмай, ҳимояда ҳам тинмай ишлади: бир неча бор дарвоза олдидан тўпни узоқлаштирди. Гўёки бола каби югуряпти! Ҳам қойил қолдим, ҳам ҳавас қилдим”, — деб ёзди Елагин ижтимоий тармоқларда.
Жорий мавсумда Роналду Саудия Арабистони чемпионатида 19 ўйинда 18 та гол урди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
