Саудия Арабистони чемпионатининг 22-турида «Ал-Наср» сафарда «Ал-Фатех»ни 2:0 ҳисобида мағлуб этди. Учрашувдаги голлардан бирига 41 ёшли марказий ҳужумчи Криштиану Роналду муаллифлик қилди — у бойкотдан сўнг яна майдонга қайтди. Бу ҳақда euro-football.ru хабар беради.
Футбол шарҳловчиси Александр Елагин португалиялик юлдузнинг бу ўйиндаги ҳаракатларига алоҳида тўхталди.
«Буюк футболчи бойкотдан кейин қайтди ва гол урди! Шунчаки гол уриб қўймади — ҳимояда ҳам ишлади, бир неча бор жарима майдончасидан тўпни узоқлаштирди. Гўё ёш боладай югуради! Ҳам қойил қолдим, ҳам ҳавас қилдим», — деб ёзди Елагин ижтимоий тармоқларда.
Жорий мавсумда Роналду Саудия Арабистони чемпионатида 19 ўйинда 18 та гол урган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
