«Ал-Наср» бош мураббийи Жорже Жезуш Криштиану Роналдунинг яқинлашиб келаётган ўйинда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс ўтказади. Португалиялик юлдуз ҳужумчи бойкотдан сўнг тез орада сафга қайтиши кутилаётгандӣ, бироқ бу учрашувда ҳам у таркибда бўлмайди.
Жезушнинг сўзларига кўра, жамоа тиғиз тақвим сабаб Роналдуни ва асосий таркибдаги яна бир қатор футболчиларни асрашга қарор қилган. Мураббий олдинда чемпионатдаги «Ал-Фатеҳ»га қарши муҳим ўйин турганини таъкидлади.
Шунингдек, у Роналдунинг Саудия Арабистонидан ташқарида ўтадиган учрашувларни ўтказиб юбориши янгилик эмаслигини, бу ҳолат аввал ҳам бир неча бор кузатилганини эслатди. Жезушнинг фикрларини Al Nassr Zone келтирди.
Саудия чемпионатида «Ал-Фатеҳ» — «Ал-Наср» баҳси шанба куни, 14-февралда бўлиб ўтади.
“Zamin”ни Telegram'да ўқинг!
