«Ал-Наср» бош мураббийи Жорже Жезуш Криштиану Роналду нега навбатдаги учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс ўтказади. Португалиялик ҳужумчи бойкотдан кейин тез орада сафга қайтиши кутилаётганди, бироқ бу ўйинда ҳам у рўйхатда бўлмайди.
«Зич тақвим сабаб Роналду ва асосий таркибдаги яна бир қатор футболчиларга дам бердик. Олдинда «Ал-Фатеҳ»га қарши жуда муҳим учрашув бор», — деди Жезуш. Унинг сўзларини Al Nassr Zone келтирди.
Мураббий, шунингдек, Роналду Саудиядан ташқарида ўтказиладиган ўйинларни ўтказиб юбориши биринчи ҳолат эмаслигини ҳам таъкидлади.
Саудия чемпионати доирасидаги «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
